ԽՈՐՀՈՒՐԴՆԵՐ ԱՍՏՂԵՐԻՑ ՀԱՏՈՒԿ ԱՄԱՆՈՐԻ ՀԱՄԱՐ

«Ամանորը միակ կախարդական տոնն է, որը մեզ համար հիշելի է մանկությունից: Եվ, իհարկե, այդ օրը կարեվոր է ինչ-որ նոր բան հագնել, քանի որ Նոր Տարին միշտ լի է դեպի լավը փոփոխությունների սպասումով»,- նկատում է դերասանուհի Եկատերինա Սեմյոնովան:

Իսկ ահա Ալյոնա Սվիրիդովան նախազգուշացնում է. «Խորհուրդ չեմ տա վերջին օրով վազել խանութ նորույթ գնելու համար: Միեվնույն է, օրիգինալ ու գեղեցիկ որեվէ բան հայթայթելու համար ժամանակը չի բավարարի: Ու հետո կմնա միայն ափսոսանքը»: Այնպես որ, ավելի լավ է ինքներդ ձեզ տոնական տրամադրություն նվիրեք նախապես` առանց աճապարելու սկսեք անցնել խանութներով տոնից գոնե մեկ շաբաթ առաջ:

«Դիմահարդարման որեվէ յուրահատուկ տարբերակ` հատուկ Ամանորի համար, առաջարկել չեմ կարող,- հարցազրույցներից մեկի ժամանակ ասում է մաքուր էլեգանտության կողմնակից Սվիրիդովան,- Ես համոզված եմ, որ եթե կինը գոհ է իր կյանքից, դա արդեն բավական է, որպեսզի նա փայլի երջանկությամբ ու հիանալի տեսք ունենա: Չեմ սիրում, երբ մազերի մեջ ամեն տեսակի խառը բաներ են լցնում, գտնում եմ, որ դա լրիվ ավելորդ է: Ադամանդներ աչքերում ու պարանոցին` ահա ամենը... եթե ձեզանից որեվէ մեկի բախտը բերի նման նվեր ստանալ»:

Այս հարցին էապես ավելի հիմնավոր մոտեցում է ցուցաբերում հեռուստահաղորդավարուհի Եկատերինա Ստրիժենովան. «Նախօրեին հարկավոր է բեռնաթափման օր կազմակերպել, քանի որ առջեվում տոնական շատակերություն է սպասվում: Հագուստը պետք է երեկոյան լինի` փայլերով, փոռերով: Անպայման հագեք դիմակ կամ որեվէ յուրօրինակ գլխարկ. չէ որ դա շատ զվարճալի է!

Տոնից 3 օր առաջ հարկավոր է բաղնիք գնալ: Այնտեղ ես անպայման տաք ջրով թրջված եգիպտացորենով պիլինգ եմ անում: Հիանալի միջոց է ծակոտիների մաքրման համար: Հետո հարկավոր է այցելել գեղեցկության սրահ, մանիկյուր եվ պեդիկյուր անել:

Իսկ տանն արդեն կարելի է ինքնուրույն նախապատրաստվել: Եթե նույնիսկ դեկտեմբերի 31-ին չհաջողվի կրկին սրահ այցելել տոնական սանրվածքի ու դիմահարդարման համար, կարելի է պարզապես գնել փայլերով մազերի լաք ու ցողել այն ողջ մարմնի վրա` ոտքերից մինչեվ գլուխը: Դրանից բացի կարելի է նաեվ ստվերաներկերի վրձինը թաթախել հեղուկ ստվերաներկի մեջ ու այտի վրա փաթիլ նկարել»:

Ալյոնա Խմելնիցկայան առաջարկում է հենց սկզբից հոգ տանել հունվարի 1-ի առավոտվա համար. «Տոնի նախօրյակին, հատկապես` գիշերվանից առաջ, շատ հեղուկ մի խմեք, որպեսզի առավոտյան չարթնանաք այտուցված աչքերով: Հյուր գնալիս չափից ավել մի կերեք: Դիմահարդարումից առաջ կիրառեք աշխարհի չափ հին, բայց իրեն արդարացրած ու շատ արդյունավետ միջոցը աչքերի այտուցվածության դեմ. սառը թեյի թուրմով թրջեք բամբակն ու 15 րոպե դրեք աչքերի վրա»:

Վիկա Ցիգանովան լրիվ կողմ է այն բանին, որ դեկտեմբերի 31-ը հարկավոր է նվիրել հանգստին ու առաջիկա տոնակատարման նախապատրաստություններին: Ամանորի գիշերը նա պատրաստվում է հարյուր անգամ ավելի լավ տեսք ունենալ, քան սովորաբար, եվ առաջարկում է օրվա հետեվյալ կազմակերպումը. «Նոր Տարին դիմավորելուց առաջ` հենց առավոտից, հարկավոր է գնալ լողավազան ու մի լավ լողալ: Եթե չստացվի, ուրեմն պետք է զբոսնել 1,5 ժամից ոչ պակաս: Դրանից հետո` վերադառնալով տուն, պետք է ուտել 3 հատ ադամաթուզ ու խմել մի բաժակ սուրճ` մի կտոր շոկոլադով` անպայման ձեր նախընտրած երաժշտության ներքո: Այդ անելուց հետո պառկեք ու քնեք 30 րոպե կամ մի ժամ: Հեռախոսը մինչեվ երեկոյան ժամը 6-ը պետք է անջատված լինի:

Ժամը 6-ին վեր կացեք, միացրեք հեռախոսն ու սկսեք տոնական գործերը: Կրկին երաժշտություն միացրեք, սակայն այս անգամ արդեն ուրախ, առույգացնող: Եվս մի բաժակ սուրճ կամ կանաչ թեյ խմեք:

Ձեր զգեստը պետք է նախապես մտածված ու պատրաստ լինի: Դիմահարդարումից 15 րոպե առաջ քերած ադամաթզով դիմակ դրեք դեմքին, աչքերը ծածկեք թարմ վարունգի շրջանակներով ու պառկեք»: