ԽՈՀԱՆՈՑ / 2009 ՆՈՅԵՄԲԵՐ

Անհրաժեշտ պարագաները. կարտոֆիլ պանիր զեյթուն բուսական յուղ աղ ալիքավոր սայրով դանակ

Պատրաստման եղանակը.

Կարտոֆիլը մաքրել, լվանալ, ձևավոր դանակով բաժանել շերտերի, երկու կողմերից տապակել բուսական յուղով մինչև ոսկեգունելը: Շերտերը հովացնել, աղ անել:

Յուրաքանչյուր շերտի վրա մի փոքր քերած պանիր լցնել, վրան մի ձիթապտուղ դնել և ծածկել կարտոֆիլի ևս մի շերտով այնպես, որ նմանվի ծովախեցու:

Անհրաժեշտ պարագաները. 1 հատ եփած խոշոր կարտոֆիլ 2 հատ միջին մեծության թարմ վարունգ 3 հատ խաշած ձու 1 տուփ պահածոյացված կանաչ ոլոռ 1/2 սերկևիլ 150 գր եփած բազուկ 50 գր պանիր 4 պճեղ սխտոր 2 ճաշի գդալ թթվասեր աղ, սև բիբար

Պատրաստման եղանակը.

Եփած բազուկը կտրատել, ավելացնել թթվասերը, պանիրը, ծեծած սխտորը և բլենդերով լավ հարել: Պետք է ստացվի վարդագույն, խիտ զանգված: Ըստ ճաշակի աղ ու բիբար անել:

Կարտոֆիլը խորանարդաձև կտրատել, լցնել տափակ ափսեի մեջ, հարթեցնել, ծածկել բազուկով պատրաստված թանձրուկի շերտով: Վրան լցնել մանր կտրատած վարունգը և կրկին ծածկել թանձրուկի շերտով:

Ձվերի դեղնուցներն առանձնացնել, տրորել, խառնել ոլոռի հետ, ստացված զանգվածը լցնել աղցանի վրա` որպես հաջորդ շերտ:

Ամբողջ աղցանը բոլոր կողմերից պատել թանձրուկի մնացած մասով, վրան լցնել քերած սերկևիլը և քերած սպիտակուցները:

Անհրաժեշտ պարագաները. 4 հատ միջին մեծության եփած կարտոֆիլ 100 գր հավի կրծքամիս 4 ճաշի գդալ տոմատի մածուկ 2 ճաշի գդալ ծովաբողկ (хрен) 5 պճեղ սխտոր 5 հատ բողկ 1 հատ միջին մեծության վարունգ 1/2 խնձոր (գոլդեն) 3 ճաշի գդալ թթվասեր 1 հատ եփած ձու 1 ճաշի գդալ մանանեխ համեմ, աղ, բիբար

Պատրաստման եղանակը.

Բողկը, վարունգն ու խնձորը լվանալ, խնձորի միջուկը մաքրել, բոլորը մանր կտրատել: Կարտոֆիլն ու հավի կրծքամիսը մանր կտրատել, խառնել իրար:

Տոմատի մածուկը խառնել ծովաբողկի հետ, լցնել հավի և կարտոֆիլի վրա, ավելացնել ծեծած սխտոր, աղ և բիբար անել, լավ խառնել և լցնել տափակ ափսեի վրա տեղադրված հազարի տերևների վրա:

Թթվասերն ու մանանեխը խառնել իրար, լցնել բողկի, վարունգի և խնձորի խառնուրդի վրա, կտրատած համեմ ավելացնել, լավ խառնել և ստացված զանգվածը լցնել աղցանի վրա` որպես հաջորդ շերտ:

Ձուն անցկացնել մանր քերիչով և լցնել աղցանի մակերեսին:

Անհրաժեշտ պարագաները. 2 հատ նրբաբլիթ (блинчики) 1 հատ միջին մեծության եփած բազուկ 2 հատ եփած կարտոֆիլ 2 հատ միջին մեծության մարինացված վարունգ 100 գր պինդ պանիր մայոնեզ աղ

Պատրաստման եղանակը.

Բազուկն ու պանիրն անցկացնել խոշոր քերիչով, կարտոֆիլն ու մարինացված վարունգները մանր խորանարդաձև կտրատել, նրբաբլիթները կտրատել երկար երիզներով:

Կարտոֆիլն ու վարունգը խառնել, վրան մայոնեզ լցնել, ավելացնել նրբաբլիթները ու կրկին զգուշորեն խառնել:

Քերած բազուկի կեսը լցնել տափակ ափսեի վրա, հարթեցնել, թեթևակի աղ անել: Վրան լցնել պանիրի կեսը, ապա` կարտոֆիլով զանգվածը, վրայից` պանիրի մնացած մասը, և վերջում` բազուկի մնացած կեսը:

Աղցանի երեսին մի փոքր քերած պանիր լցնել և անմիջապես մատուցել: Երկար թողնելու դեպքում նրբաբլիթները կարող են թթվել:

Անհրաժեշտ պարագաները. 300 գր ապխտած հավի փափկամիս 200 գր թարմ սունկ 1 գլուխ սոխ 800 գր միջին մեծության կլորավուն կարտոֆիլներ 5 ճաշի գդալ թթվասեր ջուր աղ

Պատրաստման եղանակը.

Հավի փափկամիսը, սունկն ու սոխը մսաղացով աղալ, աղ անել, լավ խառնել: Կարտոֆիլները մաքրել, լվանալ, հատուկ գործիքով միջուկը հանել: Պետք է ստացվեն 2 կողմից անցքերով գլանակներ: Փորվածքների մեջ խճողակ լցոնել և կարտոֆիլները խիտ դասավորել կաթսայի մեջ: Թթվասերը լուծել ջրում, լցնել կարտոֆիլների վրա, աղ անել, կաթսան դնել կրակին և եփել մինչև պատրաստ լինելը:

Անհրաժեշտ պարագաները. 1 կգ կարտոֆիլ 2 հատ խեկ 200 գր պանիր 120 գր կաթ 50 գր բուսական յուղ ալյուր կանաչի, համեմունքներ, աղ

Պատրաստման եղանակը.

Ձկները լվանալ, երկարությամբ դանակով կիսել, փշերն ու կաշին հեռացնել, փափկամիսը երկար-երկար կտրատել: Համեմունքներն ու աղը խառնել, քսել ձկան կտորների վրա:

Կարտոֆիլը մաքրել, լվանալ, եփել, մեջը լցնել կաթն ու բուսական յուղը և պատրաստել խյուս: Ավելացնել կտրատած կանաչի և աղ:

Քանի դեռ կարտոֆիլը եփվում է, ձկան կտորները թեթևակի տապակել բուսական յուղով` յուրաքանչյուր կողմը 5 րոպե:

Ձևաթավան պատել բուսական յուղով, վրան դասավորել ձկան կտորները, վրան լցնել կարտոֆիլի խյուսը, ապա` կրկին ձուկ, ու ևս մի շերտ կարտոֆիլ: Վրան քերած պանիր լցնել ու դնել նախապես տաքացրած ջեռոցի մեջ: Տապակել 20-25 րոպե, մինչև որ երեսը կարմրի:

Անհրաժեշտ պարագաները. 400 գր շերտավոր խմոր 4-5  հատ կարտոֆիլ 150 մլ կաթ 1 գլուխ սոխ 500 գր շամպինյոն 100 գր պինդ պանիր 1 կապ կանաչ սոխ բուսական յուղ համեմունքներ աղ

Պատրաստման եղանակը.

Սունկը կտրատել, գլուխ սոխը ևս մանր կտրատել: Թավայի մեջ բուսական յուղ լցնել, տաքացնել, մեջը լցնել սոխը, տապակել մինչև ոսկեգունելը, ապա ավելացնել սունկը և տապակել այնքան, մինչև ողջ հեղուկը գոլորշիանա:

Կարտոֆիլը եփել: Կաթը տաքացնել, մեջը լցնել համեմունքներ կարտոֆիլի համար (պատրաստի վաճառվում են գրեթե բոլոր խանութներում), զանգվածը լցնել կարտոֆիլի վրա և պատրաստել խյուս:

Կարտոֆիլի խյուսն ու տապակած սունկը խառնել, ավելացնել մանր կտրատած կանաչ սոխ:

Շերտավոր խմորը բաժանել 4 մասի, յուրաքանչյուրը գրտնակով բացել ու թխել:

Ձևաթավայի վրա փռել թխված շերտերից մեկը, վրան լցնել խճողակի 1/3 մասը, քերած պանիր շաղ տալ, ապա փռել մյուս շերտը, կրկին խճողակ ու պանիր լցնել, նույնը կրկնել նաև հաջորդ շերտի համար, ապա` ծածկել խմորի վերջին շերտով: Երեսին մի փոքր մայոնեզ քսել, կրկին քերած պանիր շաղ տալ և մոտ 10 րոպե թողնել տաք ջեռոցում, մինչև վարդագունի:

Անհրաժեշտ պարագաները. կարտոֆիլ դդմիկ ձու ալյուր բուսական յուղ աղ, բիբար

Պատրաստման եղանակը.

Կարտոֆիլն ու դդմիկն անցկացնել խոշոր քերիչով, 20 րոպե թողնել, ապա լավ քամել: Մեջը ձու կոտրել, աղ ու բիբար անել: Ավելացնել այնքան ալյուր, որ դառնա փափուկ, բայց կպչուն զանգված: Լավ խառնել:

Թավայի մեջ բուսական յուղ լցնել և տաքացնել: Կարտոֆիլով ու դդմիկով զանգվածից ճաշի գդալով վերցնել, լցնել տաք ձեթի մեջ ու 2 կողմերից տապակել մինչև պատրաստ լինելը:

Անհրաժեշտ պարագաները.

• 3 հատ միջին չափի կարտոֆիլ

• 700 գր շաքարի փոշի

• 350 գր գետնանուշի յուղ (арахисовое масло)

Պատրաստման եղանակը.

Կարտոֆիլը կեղևով եփել, մաքրել, լցնել հարմար տարայի մեջ և հարիչի օգնությամբ խյուս պատրաստել: Ավելացնել շաքարի փոշին ու լավ խառնել:

Զանգվածը լցնել փայլաթիթեղի վրա, հարթեցնել, մեջտեղում երկարությամբ լցնել գետնանուշի յուղը, ռուլետանման փաթաթել, 1 ժամ թողնել սառնարանում, ապա բարակ շերտերով կտրատել և մատուցել:

Անհրաժեշտ պարագաները.

• 5 հատ միջին մեծության կարտոֆիլ

• 400 գր կաթնաշոռ

• 40 գր կարագ

• 2 ձու

• 0,75 բաժակ շաքարավազ

• 100 գր ջեմ

• սոդա

• վանիլ

• կիտրոնի կեղև

Պատրաստման եղանակը.

Կարագը, շաքարավազն ու դեղնուցները հարել մինչև փրփրելը, ավելացնել կաթնաշոռը, կիտրոնի կեղևը (աղացած), քերած կարտոֆիլը, վանիլն ու սոդան, և լավ խառնել: Սպիտակուցներն առանձին հարել մինչև փրփրելը, լցնել խմորի մեջ և կրկին լավ խառնել:

Զանգվածը լցնել կարագով պատված ձևաթավայի մեջ և թխել ջեռոցում:

Պատրաստ լինելուց հետո տորթը մի քանի ժամ թողնել, որպեսզի լավ հովանա, ապա դանակով զգուշորեն բաժանել 2 շերտի, արանքում ջեմ քսել ու շերտերը կրկին միացնել:

Անհրաժեշտ պարագաները.

• 4 հատ միջին մեծության կարտոֆիլ

• 1 ձու

• 1/2 բաժակ ալյուր

• 1 ճաշի գդալ յուղ

• վանիլ

• բուսական յուղ

• աղ

Պատրաստման եղանակը.

Կարտոֆիլը կեղևով եփել, մաքրել և մսաղացով աղալ:

Կաթսայի մեջ 1 բաժակ ջուր լցնել, ավելացնել յուղը, թեթևակի աղ անել ու դնել կրակին: Հենց որ սկսի եռալ, մեջը լցնել ալյուրը և հենց կրակի վրա էլ խառնել մոտ 3-4 րոպե, ապա վերցնել, հովացնել, խառնել կարտոֆիլի հետ: Ավելացնել ձուն և խառնել այնքան, մինչև համասեռ զանգված դառնա:

Թավայի մեջ մեծ քանակությամբ բուսական յուղ լցնել, տաքացնել, ապա խմորից ճաշի գդալով վերցնել, գցել բուսական յուղի մեջ ու 2 կողմերից լավ տապակել: Պատրաստ լինելուց հետո վրան մի փոքր վանիլ ցանել և մատուցել տաք վիճակում: