ԽՈՀԱՆՈՑ / 2008 ՆՈՅԵՄԲԵՐ

Անհրաժեշտ պարագաները. 250 գր ծաղկակաղամբ 250 գր կանաչ լոբի 2 լոլիկ 2 պճեղ սխտոր 50 գր պանիր կանաչի 2 ճաշի գդալ մայոնեզ 1 թեյի գդալ կարրի աղ, սև բիբար բուսական յուղ

Պատրաստման եղանակը.

Ծաղկակաղամբն ու լոբին 5 րոպե եփել աղով համեմված եռացող ջրում, ապա տեղափոխել բուսական յուղով տաք թավայի մեջ, ավելացնել աղ, բիբար, կարրի ու անընդհատ խառնելով տապակել ուժեղ կրակի վրա 5-7 րոպե:

Տապակած բանջարեղենը լցնել համապատասխան ափսեի մեջ, վրան ցանցաձև մայոնեզ լցնել, շարել մեծ կտորներով կտրատած լոլիկը, վրան ցանել շատ մանր կտրատած սխտորը, ապա` քերած պանիրը:

Աղցանը մի քանի րոպեով դնել միկրոալիքային վառարանի մեջ, որպեսզի պանիրը փոքր-ինչ հալվի, ապա վրան կանաչի կտրատել ու մատուցել տաք վիճակում:

Անհրաժեշտ պարագաները. ծաղկակաղամբ լոլիկ սոխ խոզապուխտ մարինացված շամպինյոններ մայոնեզ

Պատրաստման եղանակը.

Լոլիկները և խոզապուխտը խորանարդաձև կտրատել, ծաղկակաղամբը բաժանել ծաղկաբույլերի, սոխը և սունկը ևս կտրատել, բոլոր բաղադրիչները լցնել համապատասխան տարայի մեջ, համեմել մայոնեզով և մատուցել:

Անհրաժեշտ պարագաները. 100 գր խխունջ մակարոններ 50 գր ռոքֆոր պանիր 1 գլուխ ծաղկակաղամբ 100 գր թարմ շամպինյոններ կիտրոնի հյութ 1 փունջ սեզոնային կանաչեղեն 3 ճաշի գդալ ձիթապտղի յուղ 1 ճաշի գդալ քացախ 1 ճաշի գդալ մանանեխ 2 պճեղ սխտոր աղ, սև բիբար

Պատրաստման եղանակը.

Մակարոններն ու ծաղկակաղամբը առանձին տարաներում եփել աղով համեմված եռացող ջրում, քամել: Շամպինյոնները լվանալ, կտրատել ու ցողել կիտրոնի հյութով: Կտրատել պանիրն ու կանաչին:

Ձիթապտղի յուղը, քացախը, մանանեխը, ճզմած սխտորը, աղն ու բիբարը խառնել ու պատրաստել թանձրուկ:

Մակարոնները, ծաղկակաղամբը, սունկն ու պանիրը խառնել իրար, վրան լցնել թանձրուկն ու կանաչին և զգուշորեն խառնել:

Անհրաժեշտ պարագաները. ծաղկակաղամբի մի քանի ծաղկաբույլ 2 լոլիկ բուլղարական բիբար մաղադանոս ձիթապտղի յուղ ծովի աղ բահար

Պատրաստման եղանակը.

Հում ծաղկակաղամբը, լոլիկները, բուլղարական բիբարը և մաղադանոսը կտրատել, խառնել իրար:

Ձիթապտղի յուղին ավելացնել ծովի աղ և բահար, պատրաստել թանձրուկ, լցնել աղցանի վրա և լավ խառնել:

Անհրաժեշտ պարագաները. 700 գր ծաղկակաղամբ 80-150 գր բեկոն 50 գր պանիր 1-2 գլուխ սոխ 2-3 լոլիկ 20 գր բուսական յուղ 1 պճեղ սխտոր աղ, սև բիբար մաղադանոս

Պատրաստման եղանակը.

Ծաղկակաղամբը լվանալ, բաժանել ծաղկաբույլերի և կիսաեփ անել աղով համեմված եռացող ջրում: Սոխը կիսաշրջանաձև կտրատել: Բեկոնը կտրատել բարակ երիզներով, լոլիկները` կտորներով:

Բուսական յուղը լցնել թավայի մեջ, տաքացնել, մեջը տեղավորել սխտորի մաքրած պճեղն ու բեկոնի կտորները, տապակել այնքան, մինչև բեկոնից ամբողջ յուղը դուրս տա: Պատրաստ լինելուն պես բեկոնի կտորները թավայից հանել, սխտորը դեն նետել ու նույն յուղային զանգվածի մեջ լցնել սոխը: Երբ այն ոսկեգույն դառնա, ավելացնել ծաղկակաղամբը, բեկոնը, լոլիկները, համեմել աղով և բիբարով ու շոգեխաշել թույլ կրակի վրա 7-10 րոպե` պարբերաբար խառնելով:

Մատուցելիս վրան քերած պանիր ու կտրատած մաղադանոս շաղ տալ:

Անհրաժեշտ պարագաները. 1 միջին մեծության ծաղկակաղամբ մսով խճողակ թթվասեր պանիր աղ, համեմունքներ

Պատրաստման եղանակը.

Ծաղկակաղամբը ամբողջական վիճակում 1-2 րոպե եփել աղով համեմված եռացող ջրում: Հովանալուց հետո այն շրջել և մսով ֆարշը խիտ լցնել ծաղկաբույլերի միջև:

Լցոնած ծաղկակաղամբը տեղավորել հարմար ձևաթավայի մեջ, վրան թթվասեր քսել, քերած պանիր շաղ տալ և տապակել ջեռոցում 30-40 րոպե, մինչև ֆարշը պատրաստ լինի:

Անհրաժեշտ պարագաները. հավի փափկամիս ծաղկակաղամբ աղ, սև բիբար քերած պանիր բուսական յուղ 50 գր կարագ 2 ճաշի գդալ ալյուր 1 բաժակ կաթ

Պատրաստման եղանակը.

Հավի փափկամիսը կտրատել, ծաղկակաղամբը բաժանել ծաղկաբույլերի: Ձևաթավան պատել բուսական յուղով, մեջը լցնել իրար խառնած միսն ու ծաղկակաղամբը, համեմել աղով և բիբարով ու մոտ 30 րոպե եփել ջեռոցում:

Կարագը, ալյուրն ու կաթը խառնել, եփել այնքան, մինչև պնդանա, լցնել ճաշատեսակի վրա, խառնել, վրան քերած պանիր շաղ տալ և ևս 10-15 րոպե տապակել ջեռոցում:

Անհրաժեշտ պարագաները.

• 1 կգ ծաղկակաղամբ

• 2 ձու

• 3-4 կտոր հաց

• 1/3 բաժակ կաթ

• 1/2 բաժակ ալյուր

• սև բիբար

• բուսական յուղ

• 1 բաժակ ոչ շատ թանձր սերուցք կամ կաթ

• 200-250 գր հալած պանիր

Պատրաստման եղանակը.

Ծաղկակաղամբը բաժանել ծաղկաբույլերի, լվանալ ու կիսաեփ անել աղով համեմված եռացող ջրում, ապա քամել ու դանակով շատ մանր կտրատել:

Ձվերը կոտրել, սպիտակուցներն ու դեղնուցներն առանձնացնել: Դեղնուցները լցնել ծաղկակաղամբի վրա, համեմել սև բիբարով: Հացի չոր մասերը դանակով հեռացնել, փափուկ կտորները կաթով թրջել, քամել ու ավելացնել ծաղկակաղամբի վրա: Ցանկության դեպքում կարելի է ավելացնել նաև մանր կտրատած կանաչի:

Սպիտակուցները հարել այնքան, մինչև պինդ փրփուր դառնա, ապա այն ևս ավելացնել ծաղկակաղամբով զանգվածի մեջ:

Թավայի մեջ բուսական յուղ լցնել ու տաքացնել: Պատրաստված խճողակից ճաշի գդալով վերցնել ու լցնել թավայի մեջ: Տապակել երկու կողմերից մինչև վարդագունելը:

Սերուցքը կամ կաթը լցնել կաթսայի մեջ ու դնել կրակին: Հենց որ սկսի եռալ, մեջը աստիճանաբար լցնել հալած պանիրը` ամեն անգամ կես թեյի գդալ: Անընդհատ խառնելով եփել, մինչև պանիրը ամբողջապես լուծվի: Կարելի է սև բիբար ու կիտրոնի հյութ ավելացնել, այդպես թանձրուկն ավելի սուր համ կունենա:

Պատրաստի կոտլետները դասավորել ափսեի վրա, վրան լցնել թանձրուկը և մատուցել: