ԽՈՀԱՆՈՑ  / 2009 ՀՈԿՏԵՄԲԵՐ

Անհրաժեշտ պարագաները. 250 գր հորթի փափկամիս 2 ճաշի գդալ բուսական յուղ 150 գր սոխ 200 գր թարմ ավելուկ 150 գր բողկ 2 հատ թարմ վարունգ 1 պճեղ սխտոր 100 գր մայոնեզ 3 ճաշի գդալ կիտրոնի հյութ աղ, սև բիբար` ըստ ճաշակի

Պատրաստման եղանակը.

Հորթի փափկամիսը լվանալ, չորացնել, ծղոտանման կտրատել, աղ անել: Բուսական յուղը լցնել թավայի մեջ, տաքացնել, ավելացնել կտրատած միսը, անընդհատ խառնելով 7 րոպե տապակել, ապա կրակը թուլացնել, թավայի կափարիչը ծածկել և թողնել ևս 5 րոպե:

Սոխը և բողկը մաքրել, լվանալ, օղակաձև կտրատել: Ավելուկը և վարունգները նույնպես լվանալ, չորացնել և խոշոր-խոշոր կտրատել: Սոխը, բողկը, ավելուկն ու վարունգը զգուշորեն խառնել, լցնել ափսեի վրա, մեջտեղում լցնել տապակած միսը:

Մայոնեզի մեջ ավելացնել ծեծած սխտորը, կիտրոնի հյութը, աղ ու սև բիբար անել: Ստացված թանձրուկը լցնել աղցանի վրա և մատուցել:

Անհրաժեշտ պարագաները. Տավարի միս բուսական յուղ գազար պանիր պահածոյացված եգիպտացորեն փափուկ հաց մայոնեզ

Պատրաստման եղանակը.

Միսը խորանարդաձև մանր կտրատել, աղ ու բիբար անել, լցնել թավայի մեջ և բուսական յուղով տապակել մինչև պատրաստ լինելը:

Հացը խորանարդաձև կտրատել ու չորացնել ջեռոցում: Գազարն ու պանիրն անցկացնել խոշոր քերիչով:

Նախապատրաստված բոլոր բաղադրիչները խառնել, համեմել մայոնեզով և մատուցել:

Ի դեպ, եթե աղցանը մատուցվելու է պատրաստ լինելուց որոշ ժամանակ անց, ապա ավելի լավ է բաղադրիչները պահել առանձին և խառնել անմիջապես մատուցելուց առաջ, որպեսզի չորահացերը չփափկեն. այդպես աղցանն ավելի համեղ է ստացվում:

Անհրաժեշտ պարագաները. 300 գր եփած հավի միս 6 շերտ պահածոյացված արքայախնձոր 1 հատ թարմ խնձոր կանաչի 1 հատ լոլիկ 1 տուփ պահածոյացված եգիպտացորեն ձիթապտուղ մայոնեզ

Պատրաստման եղանակը.

Բոլոր բաղադրիչները մանր կտրատել, համեմել մայոնեզով և մատուցել:

Անհրաժեշտ պարագաները. 4 հատ կարտոֆիլ 2 ձու 1 տուփ պահածոյացված կանաչ ոլոռ 4 հատ ոչ մեծ թարմ վարունգ 2 հատ թթու վարունգ 1 հատ կանաչ խնձոր 1/2 հատ կիտրոնի հյութ 200 գր խոզապուխտ 200 գր ապխտած տավարի միս 2 ճաշի գդալ մաղադանոս և համեմ (կտրատած) աղ, բիբար, մայոնեզ`ըստ ճաշակի

Պատրաստման եղանակը.

Կարտոֆիլն ու ձուն եփել, թարմ և թթու վարունգները լվանալ: Խնձորի կեղևն ու միջուկը մաքրել, ցողել կիտրոնի հյութով, որպեսզի չսևանա: Բոլորը խորանարդաձև կտրատել:

Խոզապուխտն ու ապխտած տավարի միսը ծղոտաձև կտրատել:

Բոլոր բաղադրիչները լցնել խորը տարայի մեջ, լավ խառնել, համեմել աղով, բիբարով, մայոնեզով:

Անհրաժեշտ պարագաները. 350 գր կարմիր լոբի 150 գր սոխ 500 գր խոզի միս 3 հատ միջին մեծության լոլիկ կանաչի աղ, սև բիբար բուսական յուղ

Պատրաստման եղանակը.

Լոբին սառը ջրով թրջել, թողնել 4 ժամ, ապա եփել մինչև պատրաստ լինելը: Խոզի միսը կտրատել: Մանր կտրատել սոխը, լոլիկներն ու կանաչին: Թավայի մեջ բուսական յուղ լցնել, ավելացնել սոխը, տապակել մինչև ոսկեգունելը, ապա ավելացնել միսը և տապակել մոտ 20 րոպե: Ավելացնել կտրատած լոլիկը, աղ ու բիբար անել և տապակել ևս 15 րոպե: Վերջում մսի վրա ավելացնել լոբին, խառնել, վրան կտրատած կանաչի լցնել և մատուցել:

Անհրաժեշտ պարագաները. 600 գր դդմիկ 3 գազար 1 հատ քաղցր կարմիր բիբար 1 հատ մաղադանոսի արմատ 2 լոլիկ 2 գլուխ սոխ 200 գր շամպինյոն 200 գր բրյուսելյան կաղամբ 100 գր պահածոյացված կարմիր լոբի 2 ճաշի գդալ բուսական յուղ թարմ կտրատած կանաչի աղ` ըստ ճաշակի

Պատրաստման եղանակը.

Դդմիկները, գազարներն ու լոլիկները լվանալ, մաքրել, խորանարդաձև կտրատել: Բիբարը լվանալ, սերմերը մաքրել, ծղոտանման կտրատել: Սոխն ու մաղադանոսը մանր կտրատել: Շամպինյոնները լվանալ, մաքրել, յուրաքանչյուր սունկը բաժանել 4 մասի:

Բուսական յուղը լցնել թավայի մեջ, տաքացնել, ավելացնել սոխն ու մաղադանոսը, տապակել մոտ 5 րոպե, ապա ավելացնել գազարն ու դդմիկը, թեթևակի աղ անել ու շարունակել տապակել: Մոտ 10 րոպե հետո ավելացնել շամպինյոններն ու բիբարը, լավ խառնել, տապակել ևս 7 րոպե: Ավելացնել լոլիկը, 2 ճաշի գդալ ջուր լցնել, համեմել աղով ու սև բիբարով, կափարիչը փակել ու շոգեխաշել մոտ 7 րոպե: Վերջում ավելացնել բրյուսելյան կաղամբն ու լոբին, վրան լցնել 2 ճաշի գդալ լոբու ջրից և շոգեխաշել ևս 5 րոպե:

Պատրաստի ուտեստի վրա կտրատած կանաչի լցնել և մատուցել տաք վիճակում:

Անհրաժեշտ պարագաները. հավի փափկամիս աղ, բիբար համեմ, մաղադանոս պանիր կարագ մի պճեղ սխտոր ձու մայոնեզ բուսական յուղ (տապակելու համար)

Պատրաստման եղանակը.

Հավի փափկամիսը դանակով բաժանել բարակ շերտերի, հավանգով ծեծել, աղ ու սև բիբար անել: Կարագն ու պանիրը անցկացնել քերիչով, ավելացնել կանաչին` մանր կտրատած, ծեծած սխտորը և լավ խառնել: Մսի յուրաքանչյուր շերտի կենտրոնում մի փոքր լցոն լցնել և ռուլետանման փաթաթել:

Ձուն մայոնեզի հետ հարիչով հարել, յուրաքանչյուր ռուլետը թաթախել ստացված զանգվածի մեջ և երկու կողմից տապակել թավայում:

Անհրաժեշտ պարագաները. 500 գր պելմեններ 2 հատ գազար 1 գլուխ սոխ 1 թեյի գդալ չոր բիբարների խառնուրդ 2 լիտր ջուր 1 ճաշի գդալ բուսական յուղ 3 ճյուղ համեմ 3 ճյուղ կանաչ սոխ թթվասեր` ցանկության դեպքում աղ, բիբար

Պատրաստման եղանակը.

Համեմը, կանաչ սոխն ու գլուխ սոխը մանր կտրատել: Գազարն անցկացնել խոշոր քերիչով:

Կաթսայի մեջ լցնել բուսական յուղը, սոխն ու գազարը, շոգեխաշել, ապա ավելացնել ջուրը և եռացնել: Հենց որ սկսի եռալ, մեջը լցնել չոր բիբարների խառնուրդը, պելմենները, աղ ու բիբար անել:

Ապուրը եռալուց հետո 15 րոպե եփել, ավելացնել կտրատած համեմն ու եփել ևս 5 րոպե: Մատուցելուց անմիջապես առաջ ավելացնել կտրատած կանաչ սոխը և թթվասեր` ցանկության դեպքում:

Անհրաժեշտ պարագաները. 0,5 կգ դեղձ 200 գր կարագ կամ մարգարին 1 բաժակ շաքարավազ 2 թեյի գդալ վանիլ 3 ձու 1 թեյի գդալ սոդա (քացախով մարած) ալյուր այնքան, որ ստացվի պինդ խմոր

Պատրաստման եղանակը.

Նախապես թուլացած կարագը շաքարավազով տրորել, ավելացնել ձվերը, սոդան, ալյուրը և խմոր հունցել: Ձևաթավան պատել կարագի շերտով, վրան լցնել խմորի 2/3 մասը և մատներով հարթեցնել:

Դեղձերը լվանալ, կորիզները հեռացնել, կտրատել և շարել խմորի վրա:

Խմորի մնացած մասից ձողեր պատրաստել և ցանցանման դասավորել դեղձերի վրա:

Բլիթը մոտ 30 րոպե եփել մինչև 180 աստիճան տաքացրած ջեռոցում:

Անհրաժեշտ պարագաները.

• 600 գր խնձոր

• 1 բաժակ շաքարավազ

• 100 գր կաթնաշոռ

• 100 գր կարագ

• 1 բաժակ ալյուր

Պատրաստման եղանակը.

Խնձորները մաքրել, բարակ շերտերով կտրատել: Կարագն ու կաթնաշոռը միասին տրորել, աղ անել, ավելացնել ալյուրը: Ստացված խմորը 3 ժամ թողնել սառնարանում, ապա հանել, բաժանել 3 մասի, յուրաքանչյուրը գրտնակով բացել: Շերտերից յուրաքանչյուրի վրա կտրատած խնձոր շարել, վրան շաքարավազ ցանել, ռուլետանման փաթաթել, յուրաքանչյուր ռուլետի վրա ձու քսել և թխել ջեռոցում:

Անհրաժեշտ պարագաները.

• 500 գր կաթ

• 60 գր ալյուր

• 180 գր շաքարավազ

• 1/2 թեյի գդալ աղ

• 2 ձու

• 2 թեյի գդալ կարագ կամ մարգարին

• 1 թեյի գդալ վանիլ

Պատրաստման եղանակը.

Կաթը լցնել կաթսայի մեջ, 2-3 րոպե տաքացնել ուժեղ կրակի վրա:

Ալյուրը, շաքարավազն ու աղը խառնել, լցնել 1,5 լիտրանոց կաթսայի մեջ, աստիճանաբար, անընդհատ հարելով ավելացնել կաթը: Զանգվածն ուժեղ կրակի վրա տաքացնել 3-4 րոպե, մինչև պնդանա: Ընթացքում խառնել միայն մեկ անգամ:

Զանգվածի կեսը լցնել կոտրած և հարած ձվերի վրա, լավ խառնել ու ետ լցնել: Կրկին տաքացնել ուժեղ կրակի վրա 2-3 րոպե, մինչև սկսի եռալ:

Եռալուն պես զանգվածը կրակից վերցնել, լավ հարել, ավելացնել կարագն ու վանիլը, լցնել պաղպաղակի ամանների մեջ ու թողնել, որ հովանա: